Saturday, 17 November 2018

Inthlan atan cheng nuai 5,275 ruahman Finance-in nuai 3,250 a pe chhuak tawh


Mizoram Assembly inthlanpui awm tur atan cheng nuai 5,275 hman tura ruahman a ni a; Finance department chuan Direc­torate of Election-ah nuai 3,250 a pe chhuak tawh a, chu'ng zinga nuai 150 chu central armed police force (CAPF) enkawlna tur bika pek chhuah hmasak a ni. MLA inthlan bika sum senso zawng zawng chu state sorkar tum vek tur a nih thu an sawi. 
Finance department hotute sawi danin, Mizoram Election department-in Assembly inthlanpui awm tur atan a tìra Finance department-a sum an mamawh zat an hriattir dan chuan, District Election Office zawng zawnga hman atan cheng nuai 3,775 leh Election directorate-a hman atan cheng nuai 400 a ni. CAPF company 40 chah luhte enkawlna atan Election Commission of India (ECI) aṭangin cheng nuai 1,100 a dawng dawn a; Mizoram inthlan atana sum mamawh zawng zawng chu nuai 5,275 a ni.
Cheng nuai 5,275 aṭang hian Joint CEO office chuan Finance department-ah cheng nuai 4,100 an dil tawh a, Finance department-in nuai 3,250 an pe chhuak tawh. Sum mamawh zat hi a tam avangin Finance department chuan tihtlem dan ngaihtuah turin Joint CEO office lam an ngen a, "Sum senso hi a tlakhniam kan beisei," an ti.
Inthlana duty tur CAPF chah luhna leh enkawlna senso atana cheng nuai 1,100 hman tur chung­changah Finance department hotute chuan, "CAPF rawihna tur bikah hian a tira kan lehkha hmuhah sum hmanna tur kimchang a inziak lo," an ti a; inthlan atana sum hmanna tur dang zawng chu Joint CEO Office aṭangin a hmanna tur kimchang nen an dawng vek tih an sawi.
CAPF enkawlna atana cheng nuai 1,100 hman tura tih chu a tam hlea an ngaih thu sawiin Finance hotute chuan, "A tirah sum hi allot turin min ti bik lo a, lo inring turin min ti a. Mahse, a tam avangin thuneitute'n an ngaihtuah ṭhat leh hnuah nuai 371-in a daih turah an ngai a, tunah hian nuai 150 kan pe rih phawt a ni," an ti.
Finance department hotute sawi danin, CAPF-te chu Mizoram an awm chhungin dearness allowance (DA), ei leh in, chenna tur, veivahna motor, etc. chu Mizoram sorkar tum vek tur a ni a, an hlawh erawh chu state sorkar tum tur a ni lo. Company pakhatah mi 100 awmin, company 40, an vaiin mi 4,000 chah luh tum a ni. Mizorama an awm chhungin damlo an awm chuan damdawi-inah an lut ang a, a thlawna enkawl an ni ang a, enkawlna man pek leh tur a ni. CAPF-te hian EVM strong room leh critical polling station-te an veng ang. 
Lok Sabha inthlan leh Assembly inthlana sum senso tumtu chungchangah hriat fuh lo a awm ṭhin tih sawiin Finance department hotute chuan, "Assembly inthlan senso chu Central-ah a dil theih loh a, Lok Sabha inthlan senso erawh kan dil leh ṭhin. A ruala intlan a nih chuan intum sem tur a ni," an ti.
Election Commission website-a budget expenditure chungchang inziahnaah chuan, "If election are being held only for the parliament. The expenditure is borne entirely by the union government. While for the elections being held only for the state legislature, the expenditure is borne entirely by the concern state," tiin a inziak tih an sawi.
Kum 2013-a Mizoram Assem­bly inthlanpuiah khan Mizoram sorkarin cheng nuai 2,430 a sêng a, kum 2014-a Lok Sabha inthlanah cheng nuai 2,000 sen a ni bawk a; sorkar kum (financial year) khat chhunga mi ve ve a nih avangin a vaiin nuai 4,430 sen a ni.
Kumin 2018 Mizoram inthlan­puia sum senso atana ruahman nuai 5,275 chu kum 2013-a Mizoram inthlanpuia senso cheng nuai 2,430 aiin a lêt aia tam, cheng nuai 2,845-in a intam hleih a ni.


Sorc : Vanglaini

Candidate thubuai neite'n an thubuai Media-ah an puanzar a ngai dawn


Supreme Court thutlukna angin, November 28, 2018-a Mizoram Legislative Assembly inthlan awm tura candidate zinga Court thubuai nei leh Court-in thiam loh a chantir tawhte chuan an thubuai chungchang chanchinbu leh telivision-ah an puanzar ngei a ngai dawn.
Vanglaini palai zawhna chhangin Mizoram additional chief electoral officer (CEO) Lalzarmawii chuan, Supreme Court thutlukna chu MLA inthlan lo awm turah hman nghal a nihdawn thu a sawi a, "Hemi chungchang hi Information & Public Relation department-ah pawh puanzar tura thawn a ni tawh. Keini chuan a hranpain Court thubuai neite hi an thubuai chungchang media-a puangzar tur a nih thu hriattir kan tum lo," a ti. 
Candidate-te bakah hian, political party-te pawhin an candidate zinga thubuai nei an awm a nih chuan an party hmingin an candidate thubuai neih dan an puangzar tur a ni. Inthlan zawhah an puangzar ngei a ni tih lantirna document nen candidate-in district election officer (DEO) hnenah an thehlut ang a, candidate-te chuan chief electoral officer (CEO) hnenah an thehlut bawk ang.
Thubuai nei candidate puanzar chungchang hi candidate tan chuan an dinna constituency huam chhungah tur a ni a, political party tan chuan state pum huapa puanzar tur a ni.
Thubuai puanzar dan tur

lCandidate, thubuai nei tawh ṭhin (convict case) leh nei mek (pending case) chuan a dinna constituency chhunga chanchinbu lâr leh darhzau berah leh telivision channel-ahte an thubuai neih dan chanchin kimchang puanzarna, a tlem berah ni thum chhung tal Form C-I hmangin an ti chhuak tur a ni.
lChanchinbua puanzarna siam hun chu candidate-te inhnuhdawh theih hun tawp ber aṭanga chhiara vote thlak ni November 28 thlen hma ni hnih hma lamah chanchinbuah ni thum chhung aia tlem lo puanzar tur a ni. Kumin MLA inthlanpui bikah chuan November 15 - 26 inkarah ni thum chanchinbuah chhuah tur a ni.
lTV channel-a puanzar tir hun chu vote thlak hun tawp aṭanga chhiar leta darkar 45 hma ngeiin tih tur a ni. Kumin inthlanpuiah chuan November 26 tlai dar 5 rik hma tihna a ni.
lCriminal case puanzarna hawrawp len zawng (font size) chu 12 aia tê lo tur a ni a, chanchinbu chhiartute hmuh awlsam theihna laiah tarlan tur a ni.

Sorc : Vanglaini

Friday, 16 November 2018

Inthlan turah mi 3 an inhnûkdâwk Inthlanah candidate 209 an awm dawn

November 28, 2018-a Mizoram Legis­lative Assembly inthlan atana inhnuhdawh hun chu nimin tlai dar 3 khan a tawp a, hriat theih chinah Aizawl district-ah mi pahnih leh Lawngtlai district-ah mi pakhat, an vaiin mi pathum an inhnûkdâwk. Heti hian, Mizoram Legislative Assembly General Election 2018-ah hian candidate 209 an awm dawn ta a ni.
Mizoram Election department-a deputy chief electoral officer H Lianzela'n Vanglaini palai zawhna chhangin, nimin tlai dar 6 thlenga an hriat theih chinah Mizoram inthlan­pui atana chuh tura hming pe lut zingah inhnûkdâwk mi pathum an awm thu a sawi.
Deputy CEO H Lian­zela sawi danin, nomi­naton thehlut tawh zinga inhnûkdâwk lehte chu - constituency no. 14-na Aizawl East-II biala PRISM candidate Lalenkima Khiangte leh Zoram Thar candidate Lallawmzuala Sailo te, constituency no. 37-na, Lawngtlai West-a biala ZPM hminga inde­pendent-a din tum N Lalmama te an ni. Heng mite dilna hi an bialtu returning officer-te chuan an pawmsak a ni.
Hetih lai hian, Ha­chhek bialah Bru candi­date an dah dawn nia hriat vanga Hachhek NGO Coordination Committee-te'n party dang zawngte tana common candidate tura an thlan J Lalsailova chuan nimin khan Mamita Returning Officer hnenah inhnuhdawh a dil a; mahse, dan anga thil kalpui a nih loh avangin a dilna pawm a ni lo.
J Lalsailova hian Hachhek biala NGO-te ngenna angin inthlan chu turin hming a pe lut a, mahse, BJP-in Bru candidate dah loin, Mizo an dah tak avangin nimin khan inhnudawh a tum a ni. Returning Officer chuan, J Lalsailova hnen aṭangin inhnuhdawh dilna an dawng tih a sawi a, "Mahse, dan an zawm tluan loh avangin a dilna kan pawm thei lo a ni," a ti.
Returning Officer sawi danin, inhnuk­dâwk tur hian form-5 hmangin dilna thehluh a ngai a, candidate a kal lo a nih pawhin, election agent atana hming a ziah lan tu emaw tal a inlan a ngai. J Lalsailova hian inhnuhdawh a dilnaah hian amah emaw, a election egent emawte Returning Officer hnenah an inlan lo vek a, hei vang hian inhnuhdawh a dilna chu RO chuan a pawm thei ta lo a ni.
Pawl hrang hrangin candidate an neih zat Vanglaini-a lo tarlan tawhah, ZPM candidate ṭhenkhat tarlan hmaih a ni a; ZPM hian an candidate tur mi 35 an lo puan tawh bakah, mi dang pathum - Lawngtlai West-ah N Lalmama, Lawngtlai West-ah MC Lalramchhana leh Saiha-ah F Thangchhuaha te an neih belh. Hetih lai hian, N Lalmama hi nimin khan a inhnûkdâwk leh thung.
sorc : vanglaini

Saturday, 10 November 2018

GBWhatsapp Apk Latest Version V6.65-2.18.327 Download For Android (Updated) Update Thar Ber


GBWhatsApp is modded version of WhatsApp having a lot of amazing features like hiding last seen, blue tick, online status, theming, etc. This mod will take your WhatsApp usage to advanced level. It is easy to install and works on both rooted & non-rooted devices. There are many WhatsApp Mods available like YOWhatsApp, WhatsApp Plus etc. but GBWhatsApp is considered to be Dad of all of them. It can be used along with the Official WhatsApp and can also be utilised as Dual WhatsApp in a single device which is another plus point. GBWhatsApp Apk Download Latest Version | gbwhatsapp download v6.65-2.18.327 apk latest version free...

Download

GBWhatsApp Apk Download Latest Version (Info)

GBWhatsApp Apk Download Latest

App NameGBWhatsApp
Version6.65-2.18.327
App Size26.63/26.83/26.9 MB
Root RequiredNo
CategoryAndroid
DeveloperGBMODS
RequiredAndroid 4.0 +
Downloads8,00 +
Main TaskExtra Features
Last Updated10 Nov , 2018

Monday, 5 November 2018

Rachel Lalnunkimi - MAI A LUM E

Rachel Lalnunkimi - MAI A LUM E
Dawn chang hian nang ang chhing zo reng ka tawng lo'ng e,
Zaleng zawng zingan chhingzo reng an awm lo'ng e;
Theih se i tangnem bei leh hun ka nghakhlel e,
Tiin mahten ka dawn thin che.

2..3..4..sakhmeltha sensiar i tawnah hian ka luang liam e,
La..la..la..la...la..la...la.. 
Bawihte, i zun ngai reng reng hian ka kiu ruai e;
La..la..la..la...la..la...la...
Biahthu kan hlan zawng rinawm ten vawng dun zel ang aw,
La..la..la..la..la..la..la..
Hmangaihna par tlan a hlim ten nang nen nui dun zelin.

Kha kha maw an sawi ka tana khuanu ruat chu
Mai a lum e huiah...


Thinlaian i cham e, engdang ka dawn thei lo,
Mitthlaan i cham e, tudang ka dawn thei lo;
Runhmun lendun pui tur atan ka thlang ber che,
Zaleng zawng zingah hian.

Khuanu reng pawh hian engtin a lo duang bik che maw ,
Hetiang reng a ka lunglawm tikim tu;
Piang leh thei hian keizawng ka ring mawlh tawh lo e,
Lungrun nang chauh ka hmangaih che

K Hminga - HMANGAIH HMASABER (DI HLUI)

K Hminga - HMANGAIH HMASABER (DI HLUI)
Di tam neiin di tam then tawh mahla,
I thinlung neitu i nghilh bik lo'ng e;
I hun hlui nunhlui nghilh in reilo te atan,
I pawmlai di nen hlim viau mahla;
Hun lo her zelin riang in awm la,
Tahchuan tudang reng i ngai lo'ng,
Tuman an hnem zo lo'ng che;
Aw! ka thian, i  hmangaih hmasaber lo chuan.

Di zawng zingah, aw, a hmasaber chuan,
Thinlung an luah an ral ve ngai lo;
Kum sang tam dam in, di sang tam pawh nei mahla,
A chhingzo tu reng i tawng mawlh lo'ng e,
He thinlung  mawl hian a chawilian tu auvin,
Tudang reng a ngai lo, tuman an hnem zo si lo;
Aw! ka thian, a hmangaih hmasaber lo chuan.

Aw! di hlui, aw, bul min tanpui tu,
I zunzam hi anchhia nge mangchhia?
I biahthu min hlan kha a hming dawt maw lo ni?
Ka thinlung lah chu i luahkhat reng si,
Mittui lo hian maw ka tap leh thin,
A tawp nan ka hmangaihna sang ber, 
Huatna nen ka hlan a che; 
Duhsakna der pawh "hlim reng ang che," aw! di hlui.